Телевизия мен кино ұлтты тәрбиелейді
Кино өндірісі дамыған Үндістан кезінде қоғамдық сананы жауласа, түрік, корей, қытай, тайланд сериалдары телеэкранда қаптап кетті.
Отандық телевизия мен кино өндірісіне ерекше серпін беретін Елбасы мақаласы қазақ режиссерлеріне жауапты міндетті жүктеп отыр. Осы уақытқа дейін жарық көрген керемет кино туындыларды кеңінен насихаттап, "Ұлы даланың ұлы есімдері" жайлы сериялы кино шығаруға бел шешіп кірісуіміз керек.
Әрине, сапалы дүние шығару үшін осы саласының мықты мамандарын біріктіретін кеңес құру маңызды. Мұндай кеңес қазір Qazaqstan ұлттық арнасында бар.
Елбасы бүкіл әлем еліктейтін тұлғаларды барынша насихаттауды тапсырып отыр. Ендеше кино мен телевизия жанашырлары, берілген мүмкіндікті құр жібермей, ұлттық сананы, тарихи жадымызды жаңғыртатын сериалдар түсірсе екен. Өйткені телевизия мен кино ұлтты тәрбиелейді. Ал ұлтты тәрбиелеуде ұлттық құндылықтан, ұлттық тамырдан нәр алу - басты міндет. Баламыздың болашағы зор, мемлекетшіл тұлға болсын десек, оған ұлттық тәрбиенің дәнін еккеніміз абзал.
Меруерт Қуанышбекова,
Облыстық "Рухани жаңғыру" орталығының маманы
