БІЛІМ БЕРУДІҢ ЖАҢА САПАСЫ
«Болашаққа бағдар: рухани жаңғыру» атты мақаласында Елбасы Н.Назарбаев: «Қоғамдық сана жаңғырудың негізгі қағидаларын қалыптастыруды ғана емес, сонымен бірге, біздің заман сынағына лайықты төтеп беруімізге қажетті нақты жобаларды жүзеге асыруымызды да талап етеді», - дей келіп, қоғамдық және гуманитарлық ғылымдар бойынша «Жаңа гуманитарлық білім. Қазақ тіліндегі 100 жаңа оқулық» жобасын ұсынғанын білеміз. Жоба бойынша әлемдегі ең үздік, жақсы деген 100 оқулық әлемнің әтүрлі тілдерден ана тілімізге аударылады. Қазірдің өзінде 18 оқу құралы қазақ тіліне тәржімаланып, елордада таныстырылымы өтті. Тіпті, ЖОО-ға бөлінеті туралы да айтылды.
Бұл оқулықтар арқылы біз тарих, саясаттану, әлеуметтану, философия, психология, мәдениеттану, филология ғылымдары бойынша дүние жүзіндегі таңдаулы үлгілердің негізінде білім алуға мүмкіндік аламыз.
Қоғамдық-гуманитарлық ғылымдарды оқытудың көкжиегі кеңиді. Өскелең ұрпақ, егемен елдің болашағы жастарымыз жаһандық ғылымның құндылықтарымен танысып, жадына тоқиды.
Елбасы оқулықтарды білім беру үдерісіне тиімді түрде енгізу – маңызды міндеттердің бірі екенін де атады. Бұл дегенің өз кезегінде ұстаздар қауымына жаңа міндеттер жүктейді.
Әбдіхамит ИМАҒАМБЕТОВ
№58 орта мектеп директоры
