Қызылорда: Ораза айтта мұқтаж жанұя баспаналы болды
Kyzylorda-news.kz. ҚМДБ-ның Қызылорда облысы бойынша өкілдігіне қарасты мешіттер Ораза айт мерекесі жоғары деңгейде аталып өтті. Аймақтағы барлық мешітте уағыз айтылып, намаз оқылып, мерекелік дастарқан басында спорттық шаралар өткізілді.
«Ақмешіт-Сырдария» орталық мешітінде жиылған жамағатқа Өкіл имам Болатбек Ұласқанұлы «Ораза айт» туралы уағыз айтып, айт хұтбасын оқыды.
Биылғы айт мейрамының елеулі оқиғасы ҚМДБ «Зекет» қайырымдылық қорының ұйымдастыруымен бастау алған «Ел үлесі пәтерге» қайырымдылық акция аясында республика бойынша 74-ші пәтердің кілтін аймағымыздағы мұқтаж жанұяға табыс етті.
Бұдан кейін айт намазын оқуға келген жамағатқа арналып дастарқан жайылып, «арқан тарту», «гір көтеру», «қол күрес» секілді спорттық ойын түрлерінен сайыс өткізілді.
