Қызылордада екпінді жел және шаңды дауыл тұрады
Kyzylorda-news.kz. «Казгидромет» РМК Қызылорда облысы бойынша филиалының хабарлауынша 7 маусымда күндіз Қызылорда облысының кей жерлерінде шаңды дауыл күтіледі.
Оңтүстік-батыстан, батыстан жел соғады, кей жерлерінде 15-20, екпіні 23 м/с. Дабылды ескертудің ықтималдылығы 95-100%.
Осыған байланысты Қызылорда облысы Төтенше жағдайлар департаменті облыс тұрғындары мен қонақтарына қауіпсіздікті сақтау шараларына баса назар аударуын ескертеді.
