Еуропаның алты мемлекетінде Қазақстанның елшіліктері ашылды
Kyzylorda-news.kz. ҚР Президенті Қасым-Жомарт Тоқаевтың Жарлықтарымен Еуропаның алты мемлекетінде Қазақстанның елшіліктері құрылды, деп хабарлайды ҚазАқпарат.
Қазақстан Республикасының Белград қаласындағы (Сербия Республикасы) дипломатиялық миссиясы Қазақстан Республикасының Сербия Республикасындағы Елшілігі ретінде қайта құру; Қазақстан Республикасының Братислава қаласындағы (Словак Республикасы) дипломатиялық миссиясы Қазақстан Республикасының Словак Республикасындағы Елшілігі ретінде қайта құру; Қазақстан Республикасының Лиссабон қаласындағы (Португалия Республикасы) дипломатиялық миссиясы Қазақстан Республикасының Португалия Республикасындағы Елшілігі ретінде қайта құру; Қазақстан Республикасының Рига қаласындағы (Латвия Республикасы) дипломатиялық миссиясы Қазақстан Республикасының Латвия Республикасындағы Елшілігі ретінде қайта құру; Қазақстан Республикасының Болгария Республикасындағы Елшілігі ретінде қайта құру жолымен Қазақстан Республикасының София қаласындағы (Болгария Республикасы) Дипломатиялық миссиясы қайта ұйымдастыру; Қазақстан Республикасының Эстония Республикасындағы Елшілігі ретінде қайта құру жолымен Қазақстан Республикасының Таллинн қаласындағы (Эстония Республикасы) Консулдығы қайта ұйымдастыру жөніндегі Жарлықтарға қол қойылды.
