Жерлесіміз Қазақстанның құрметті азаматы атанды
Kyzylorda-news.kz. Белгілі әнші Гүлнұр Оразымбетова "Қазақстанның құрметті азаматы" төсбелгісімен марапатталды. Бұл туралы өнер иесінің өзі әлеуметтік желідегі парақшасында жазба қалдырып, жаңалығымен бөліскен болатын.
Осылайша Гүлнұр Оразымбетова шендер мен марапаттар бойынша Халықаралық комитеттің атынан атақ алды.
"Қазақстанның құрметті азаматтары. Құттықтауларыңызға көп рахмет", - дейді Гүлнұр Оразымбетова.
Мұны көрген желідегі жұрт әншіні құттықтап, ақ тілектерін жаудырған. Желідегілер өнер иесінің құрметті азамат атануға әбден лайық екенін жарыса жазды. Олар осылайша өнер иесіне деген адал ниеттерін білдірді.
