Дипломмен ауылға» бағдарламасын қаржыландыру 20 млрд теңгеге жеткізіледі
Kyzylorda-news.kz. «Дипломмен ауылға» бағдарламасын қаржыландыру 20 млрд теңгеге жеткізіледі. Бұл туралы бүгін Қазақстан халқына Жолдауында Қасым-Жомарт Тоқаев мәлім етті, деп хабарлайды ҚазАқпарат.«Қала мен ауыл мектептері арасындағы орта білімнің сапасы алшақтап барады. Негізгі мәселе - ауылдық жерлердегі білікті педагог кадрлардың тапшылығы», - деді Мемлекет басшысы.
Сондықтан Қазақстан Президенті «Дипломмен ауылға» бағдарламасының аясын кеңейтіп, жұмысты жаңа деңгейде жалғастыру қажеттігін айтты.
«Үкіметке келесі жылдан бастап осы бағдарламаны қаржыландыруды 20 млрд теңгеге жеткізуді тапсырамын», - деді Қ.Тоқаев.
