Шиелі ауданына жаңа прокурор тағайындалды
Kyzylorda-news.kz. Қазақстан Республикасы Бас Прокурорының өкімімен Дүйсенбаев Нұрболат Серікұлы Шиелі ауданының прокуроры болып тағайындалды.Нұрболат Дүйсенбаев 1984 жылы Қызылорда облысы, Шиелі ауданында дүниеге келген. Қазақ гуманитарлық заң университетін заңтану мамандығы бойынша бітірген.
Прокуратура органдарындағы қызметін 2005 жылы Қызылорда қаласы прокурорының көмекшісі ретінде бастаған.
Қызылорда облысы прокурорының аға көмекшісі, бөлім прокуроры, бөлімнің аға прокуроры, бөлім бастығы, Қызылорда облысының әлеуметтік-экономикалық саладағы қадағалау департаменті бастығының орынбасары қызметтерін тұрақты түрде атқарды.
2016 жылдан бастап Жаңақорған ауданының прокуроры қызметін атқарып келді.
Прокуратурада жұмыс өтілі 14 жылдан асады. Сыныптық атағы - әділет кеңесшісі.
