Асқар Мамин: Несиесін кешіктіргендерге айыппұл есептелмейді
Kyzylorda-news.kz. Төтенше жағдай кезінде төлемін кешіктірген қарыз алушыларға айыппұл есептелмейтін болды. Бұл туралы Үкімет отырысында ҚР Премьер-Министрі Асқар Мамин мәлімдеді, деп хабарлайды primeminister.kz.«Төтенше жағдай кезінде несиесін төлей алмаған қарыз алушыларға айыппұл есептелмейді. Банктер кәсіпкерлерге төлемдерді кейінге қалдыру мүмкіндігін жасауы керек. Отандық бизнес бірдей шарттармен қосымша қаржылық жүктемесіз қолданыстағы бағдарламалардың жеңілдікті қолдау шараларын пайдаланады», - деді Асқар Мамин.
Үкімет басшысының айтуынша, ішкі сұраныс пен ұсынысты ұлғайтуда агроөнеркәсіптік кешенді дамытудың әлеуеті мол.
«Осыған орай агроөнеркәсіп кешені саласында кредиттеудің жаңа тетігі енгізіледі. Ол агроөндірушілер үшін қаражат қолжетімділігін арттыруға бағытталады», - деді Асқар Мамин.
