Путин коронавирус жұқтыру қаупіне байланысты қашықтан жұмыс істеуге көшті
Kyzylorda-news.kz. Ресей президенті Владимир Путин SARS-CoV-2 коронавирусын жұқтыру қаупіне байланысты қашықтықтан жұмыс істеу режиміне көшті деп хабарлайды DW.«1 сәуірде үкімет мүшелерімен кездесу телеконференция арқылы өтті», деді Путиннің баспасөз хатшысы Дмитрий Песков.
«Президент Ново-Огаревода болады және телекөпір арқылы үкіметтің жетекшілерімен, министрлер кабинеттерімен жұмыс істейді, шенеуніктер де жұмыс орындарында болады», - деді Песков.
«Президент Ново-Огаревода болады және телекөпір арқылы үкіметтің жетекшілерімен, министрлер кабинеттерімен жұмыс істейді, шенеуніктер де жұмыс орындарында болады», - деді Песков.
Оның айтуынша, коронавирустың таралуына байланысты Путин сәлемдесу тәсілін өзгерткен. Ресей басшысының әзірге жеке кездесулерде қол беріп амандаспайтыны белгілі болды.
«Қазір барлығы әлеуметтік қашықтықты сақтайды», - деп сөзін толықтырды Песков.
Песков коронавирусқа арналған күнделікті сынақтарды Путиннің тапсыратынын жасырған жоқ.
«Әрине, біз сақтық шараларын қолданамыз, кез келген жиналыстарды болдырмаймыз, мұны мүмкіндігінше қашықтан жасауға тырысамыз», - деді ол.
