Сырдария ауданында алып сағат пайда болды
Kyzylorda-news.kz. Сырдария ауданының орталығы – Тереңөзек кентіндегі орталық алаңға алып сағат орнатылды.Сағаттың ұзындығы 14 метр, ені 5 метрді құрайды. Негізінен сағаттың кескіні Сыр күрішінің бейнесін сомдайды. Алып сағатты құрастыруға екі айға жуық уақыт кеткен.
Ерекше сағатты аудан тұрғындарына Ә.Тәжібаев атындағы №36 мектеп-лицейдің 1980 жылғы түлектері сый етті.
Айта кетейік, алдағы уақытта сағаттың айналысына гүлзар орналастырылатын болады.
