Батырхан Шүкеновтің 58 жылдығына орай флешмоб өтеді
Kyzylorda-news.kz. «Хабар» агенттігі бүгін Батырхан Шүкеновтің 58 жылдығына орай флешмоб өткізеді, деп хабарлайды «Хабар 24».Сазды жиынға шамамен 6 сағат қалды. Оған әр қазақстандық қатысып, даңқты әншінің репертуарындағы кез келген әнді орындай алады. Акцияға қатысу үшін «Хабар» телеарнасын сағат 19:00-де қоссаңыз болғаны. Осы уақытта Батырхан Шүкеновтің 3 бірдей композициясы «Отан ана», «Джулия» және «Қайран көңiл-ай» әндері орындалады.
«18 мамыр күні біздің Батырхан Шүкенов 58 жасқа толар еді. Бүгін оның әндерін тыңдап жүрекпен айтуға тырысамыз. Соған орай арнайы флешмоб ұйымдастырдық. Кешкі сағат 19:00-де бізге қосылыңыздар. Сондай-ақ әріптестерімнен де ақпараттық қолдау жасауларын сұраймын», - дейді «Хабар» Агенттігі» АҚ басқарма төрағасы Ерлан Бекхожин.
