Жаңа оқу жылы дәстүрлі форматта өтеді – Қасым-Жомарт Тоқаев
Kyzylorda-news.kz. Мемлекет басшысы Қасым-Жомарт Тоқаев биыл дәстүрлі форматта өтетін жаңа оқу жылына дайындық жұмыстарын қазірден бастап қолға алу қажет екенін қадап айтты, деп хабарлайды Ақорда.Оның айтуынша, көптеген білім ордасы бір жылдан астам уақыт толыққанды жұмыс істемеді. Бұл ретте Қасым-Жомарт Тоқаев университеттердің, мектептер мен балабақшалардың инфрақұрылымдарының дайындығын, сонымен қатар оқытушылар мен тәрбиешілер штатының жасақталу деңгейін тексеруді тапсырды.
