ЖАҢАРТЫЛҒАН БІЛІМ МАЗМҰНЫ – ЖАҢАШЫЛДЫҚҚА БАСТАМА
Қызылорда қалалық білім бөлімінің ұйымдастыруымен №278 орта мектеп базасында «Жаңартылған білім мазмұны-жаңашылдыққа бастама» тақырыбында қалалық семинар өтті.
Семинар барысында жаңартылған білім мазмұнына сәйкес 2-5-7 сыныптарда қазақ тілі, ағылшын тілі, математика сабақтары және физика, математика, информатика пәндерінде ағылшын тілін кіріктірілген сабақтар көрсетілді.
Сонымен қатар, мектеп тренері Орал Тыманбаева «Латын әліпбиіне көшу – рухани жаңғырудың басты негізі» тақырыбында тренинг өткізді. Онда әліпбидің шығу тарихына тоқталып, жаңа әліпбидің ерекшеліктерін айтып өтті. Сонымен қатар, елімізге тигізер пайдасын түсіндіріп, қатысушы мұғалімдерге практикалық жұмыстар жүргізді. Мұнан соң мектеп тренері Айда Бисенова «Рухани жаңғыру және білім – болашаққа нық қадам» тақырыбында коучинг өткізді.
Жиында Елбасының биылғы Жолдауы жан-жақты талданып, бір-бірімен пікірлер алмасты. ТЕDх форматындағы өткізілген семинардың қорытындысында мектеп мұғалімдері, педагогикалық шеберлік орталығының тренері Бауыржан Ділманов және «Өрлеу» біліктілікті арттыру ұлттық орталығы» АҚ филиалы Қызылорда облысы бойынша педагогикалық қызметкерлердің біліктілігін арттыру институтының оқытушысы Қарлығаш Есекеева, сондай-ақ, қалалық білім бөлімінің әліскері Гүлнұр Жылқайдарова семинардың жаңаша форматта өткізілгенін жеткізді. Соңында өздерінің түйгенді ойларын айтып, ұжымға шығармашылық табыс тіледі.
