Жаңа оқу жылындағы тоқсандар мен каникулдардың мерзімі бекітілді
Kyzylorda-news.kz. Құжат бойынша меншік нысанына және ведомстволық бағыныстылығына қарамастан орта білім беру ұйымдарында 2021-2022 оқу жылының басталуы, ұзақтығы және каникулы кезеңдерінің мынадай мерзімдері айқындалды.1) Жаңа оқу жылы әдеттегідей 2021 жылғы 1 қыркүйекте басталады.
2) Оқу жылының ұзақтығы 1-сыныптарда – 33 аптаға, 2-11 (12)- сыныптарда – 34 аптаға жетеді.
Каникул кезеңдері: Бүкіл сыныптарда – күзгі каникул – 7 күн (2021 жылғы 1-7 қараша аралығында),
– қысқы – 11 күн (2021 жылғы 30 желтоқсан мен 2022 жылғы 9 қаңтар аралығында),
– көктемгі – 12 күн (2022 жылғы 19-30 наурыз аралығында). 1-сыныптарға арналған қосымша каникул – 7 күн (2022 жылғы 7-13 ақпан аралығында) болып белгіленді.
