ХҚКО: Қызылордалықтардың назарына!
Kyzylorda-news.kz. Бүгін, яғни 20 желтоқсаннан бастап Қорқыт ата көшесі №123 үйде орналасқан (Арсенал бизнес орталығы маңындағы) Халыққа қызмет көрсету орталығының №2 бөлімшесінде қағаз түріндегі көрсетілетін қызметтер тоқтатылды. Бұл туралы «Азаматтарға арналған үкімет» КЕАҚ АҚ Қызылорда облысы бойынша филиалының баспасөз қызметі хабарлады.
Алайда, аталған мекенжайда «Egov» электронды үкімет порталы арқылы ұсынылатын қызметтер мен өзіне-өзі қызмет көрсету бұрышы бұрынғысынша жұмыс істей береді. Ал, қағаз түрінде көрсетілетін қызметтерді енді Астана №46 мекенжайда орналасқан «ASTANA PLAZA» сауда үйінің екінші қабатында орналасқан бөлімшеден алаға болады.
