ҚАЗАҚСТАННЫҢ 11 ҚАЛАСЫНДА АУА САПАСЫ ЖАҚСАРАДЫ
«Қазгидромет» РМК 16 сәуір күні Қазақстан қалаларында ауа сапасына ықпал етуі мүмкін жайсыз метеожағдайлар туралы айтты, деп хабарлайды ҚазАқпарат. Алматы, Астана, Қостанай, Көкшетау, Павлодар, Петропавл, Талдықорған, Тараз, Орал, Өскемен, Шымкенттегі метеожағдайлар атмосферадағы ластаушы заттардың ыдырауына ықпал етеді.
Ал, Ақтау, Атырау, Ақтөбе, Қарағанды қалаларындағы метеожағдайлар атмосферада ластаушы заттардың шоғырлануына ықпал етеді. ҚМЖ - атмосфералық ауаның беткі қабатында зиянды (ластаушы) заттардың жиналуына ықпал ететін қысқамерзімді метеорологиялық факторлардың (тымық, жеңіл жел, тұман, инверсия) үйлесімі.
ҚМЖ жағдайында елді мекендердегі атмосфералық ауаның сапасы нашарлауы мүмкін.
Ластану деңгейінің қалыптасуын анықтайтын маңызды факторлардың бірі - синоптикалық ахуалдың (жел, жауын-шашын, ылғалдылық, ауа температурасы) болжамы.
