ҚЫЗЫЛОРДАЛЫҚ АУЫР АТЛЕТТЕР ҚАЗАҚСТАН КУБОГЫ МЕН ЧЕМПИОНАТЫНАН БІРІНШІ ОРЫНДЫ ИЕЛЕНДІ!
Оңтүстік Қазақстан облысы Шымкент қаласында ауыр атлетикадан ерлер мен әйелдер арасында өткен Қазақстан Республикасының кубогы мен чемпионатында Қызылорда облысының құрама командасы 189 ұпаймен бірінші орынды жеңіп алды. Екінші орынды - Алматы облысы (184 ұпай), үшінші орынды – Алматы қаласының (181 ұпай) командалары иеленді. Жарысқа екі қала мен еліміздің барлық өңірлерінен 200-дей спортшы 16 салмақ дәрежесінде қатысты.
Жекелей есепте ерлер арасында 94 келіде сынға түскен Рүстем Сыбай мен әйелдер арасында 63 келіде Әсем Садықова Қазақстан жеңімпаздары атанды.
62 келіде Ерасыл Ергенбай мен 105 келіде Александр Зайчиков - күміс, Серікбол Аманжол (77 келі), Евгений Ломанов (85 келі) және Нұржан Кеңесбек (94 келі) - қола жүлделерді еншіледі.
Енді Р.Сыбай, А.Зайчиков, Ә.Садықова және Аят Әмірбеков қараша айында Ашхабадта (Түркіменстан) ауыр атлетикадан өтетін Әлем чемпионатына дайындалады.
Спортшыларды жарысқа Вилорий Пак, Нұржан Смаханов, Арман Абдраев, Ержас Болтаев және Евгений Пя дайындады. 
