СЫР КҮРІШІ – ЕЛ ЫРЫСЫ
Ауыл шаруашылығы дақылдарын әртараптандыру бойынша Сырдария ауданының ауыл шаруашылығы тауарын өндірушілері 32 210 гектарға ауылшаруашылығы дақылдарын орналастырды.Оның ішінде жаздық бидай 500, мақсары 325, сүрлем жүгері 10, жаңа жоңышқа 2906, ескі жоңышқа 6775, картоп, көкөніс, бақша 820 гектарды құрайды. Негізгі дақыл күріштің көлемі 20 874 гектар.
Бүгінгі күнге шаруашылық құрылымдары 500 гектар жаздық бидайдан 7471 центнер өнім алынып, орта өнім 14,9 центнер гектардан келді.
Ескі жоңышқа дақылының IІ-орымы аяқталып, 15 365 тонна құнарлы мал азығы жиналды, орта өнімі 30,3 центнерден келді. 18 500 гектар күріш дақылы тыңайтқыштармен үстеп қоректендіріліп, гербицидпен өңделді.
