Сыр Медиа

Қармақшы ауданы орталығындағы Ш.Төлепова атындағы аудандық мәдениет үйінде Қазақстан халқы Ассамблеясының «Қазақтану» мәдени-ағартушылық жобасының өкілдері – «Айқын» газетінің бас редакторы Нұртөре Жүсіп, облыстық «Рухани жаңғыру» орталығының тәрбие және білім бөлімі басшысы Әлима Әбдіқалықова аудан тұрғындарымен кездесті.

Шараны аудан әкімінің орынбасары Еркебұлан Меңлібаев ашып, жалпыұлттық бірліктің қазақстандық үлгісін нығайтуда аталған жобаның маңыздылығына баса назар аударды.

«Қазақтану» ғылыми-ағартушылық жобасының шеңберінде жүзеге асатын «Жер тарихы – ел тарихы» экспедициясы мен «Тауларды аласартпай, даланы асқақтатайық» жобалары еліміздің барлық өңірін қамтитын болады.

Жоба жалпықазақстандық құндылық пен қазақстандық патриотизмді біріктіру мен қалыптастыру болып табылады.

Республикалық «Айқын» газетінің бас редакторы Нұртөре Жүсіп қазақты тануда «Қазақтану» жобасының маңызы ұрпақ арасындағы байланыстардың, бірліктің негізгі принциптері мен келісімнің, этникалық толеранттылықтың негізінде бірігуі мен дамуына ерекше екеніне назар аудартса, аймақтық «Рухани жаңғыру» орталығының тәрбие және білім бөлімі басшысы Әлима Әбдіқалықова ұлттық құндылықтарға байланысты ой-пікірімен бөлісті.