СЫР ЕЛІНДЕ АЛҒАШ РЕТ «ҚОРҚЫТ. ҚОБЫЗ» АТТЫ ҚЫЛ ҚОБЫЗШЫЛАР БАЙҚАУЫ ӨТЕДІ
Бүгін А.Тоқмағамбетов атындағы қалалық Мәдениет үйінде тұңғыш рет республикалық «Қорқыт. Қобыз» атты қыл қобызшылар мен қобызбен сүйемелдеп жыр айтушылардың байқауы өтеді.
Шараға Астана Алматы, Ақтөбе, Жамбыл, Қарағанды, Қостанай, Орал, Шымкента және Қызылорда облыстарынан барлығы 17-50 жас аралығындағы 17 адам қатысады.
Фестивальге Қазақстанның еңбек сіңірген қайраткерлері, қыл қобызшылар Әлқуат Қазақбаев, жырау Ұлжан Байбосынова және Қорқыт ата мұраларын шет елдерде насихаттап жүрген қазақтың талантты қызы Раушан Оразбаевалар қазылық жасайтын болады.
Байқау барысында қатысушылар Көне дәуірдегі жыр үлгілерінен үзінді (Күлтегін, Оғызнама, Тоныкөк, Қорқыт дәуірі т.б.) және Қожа Ахмет Яссауидің хикметтері, өз қалауы бойынша 1 жыр немесе халық әнін орындайтын болады.
