Синоптиктердің 15 қаңтар күнгі ауа райы болжамы
15 қаңтар күні Қазақстанның басым өңірінде жауын-шашынды құбылмалы күн райы күтіледі. Республиканың кей жерлерінде тұман, көктайғақ, бұрқасын және күшті жел болжанады, деп хабарлайды ҚазАқпарат.
«Қазгидромет» РМК-ның мәліметіне сүйенсек, Алматы облысының кей жерлерінде тұман, көктайғақ күтіледі. Жалаңашкөл ауданында 18-23 м/с екпінмен соққан желдің жылдамдығы 28 м/с күшейеді.
Шығыс Қазақстан облысының кей жерлерінде жаяу бұрқасын күтіледі, желдің күші 15-20, Жарма ауданында 25 м/с артады.
Жамбыл, Түркістан, Қызылорда облыстарының кей жерлерінде тұман, көктайғақ болжанады, жел 15-20 м/с күшейеді. Жамбыл мен Түркістан облыстарында жел екпіні 23-28 м/с жетуі ықтимал.
Батыс Қазақстан облысының кей жерлерінде тұман, көктайғақ, бұрқасын күтіледі, күндіз желдің жылдамдығы 15-20 м/с жетеді.
Ақмола облысының кей жерлерін тұман басып, жаяу бұрқасын жүреді. Түнде және таңертең желдің екпіні 15-20 м/с күшейеді.
Солтүстік Қазақстан облысының кей жерлерінде тұман, жаяу бұрқасын қүтіледі, жел 15-20 м/с артады.
Қарағанды облысының кей жерлерінде бұрқасын, көктайғақ болады, желдің күші 15-20 м/с жетеді.
Маңғыстау, Ақтөбе, Атырау, Қостанай облыстарының кей жерлерінде тұман күтіледі, Атырау облысының кей жерлерінде көктайғақ болжанады.
Павлодар облысында жел 15-20 м/с күшейеді.
