ҚАРМАҚШЫДА 16 ҮЕҰ ЖҰМЫС ІСТЕЙДІ
Қазір Қармақшы ауданында кәсіпкерлердің мүддесін қорғау, мүмкіндігі шектеулі балаларға көмек көрсету, Ауғанстан және аймақтық соғыс мүгедектерінің мүддесін қорғау, өскелең ұрпақты патриоттық сезімде тәрбиелеу, салауатты өмір салтын насихаттау, ардагерлер мүддесін қорғау, жастар бастамаларын дамыту бағыттарында 16 үкіметтік емес ұйым жұмыс жасайды. Бұл туралы аудан әкімінің баспасөз қызметі хабарлайды.
Олардың 14-і белсенді жұмыс істейтін ұйымдар қатарында тұр. Осы жылы ҮЕҰ-дардың әлеуметтік маңызды жобаларды жүзеге асыруына аудандық бюджеттен 2 млн 821 мың теңге бөлініп, 8 жоба жүзеге асырылуда.
