«Мен тірімін». Төреғали өзі үшін уайымдаған халыққа жауап берді
Әлдебіреулер әлеуметтік желі арқылы Төреғали Төреәлі қайтыс болды деген ақпарат таратқан. Мұны естіген әншінің тыңдармандары түн жарымға дейін уайымдап, желіде шу шығарған. Ұлы дала баласы ақпараттың жалған екенін айтып, өзін уайымдаған халыққа өлеңмен жауап берді, деп хабарлайды Stan.kz.
“Бір Алланың құлымын,
Ұлы даланың ұлымын.
Ассалаумағалейкум
Ағайын мен тірімін!
Ешқандай апат болған жоқ
Үзілген де жоқ жұлыным.
Күнәсін Құдай кешірсін
Өтірік айтқан құлының.
Разылығы үшін Алланың
Кешірдім мен де қылығын.
Тірідей етін жемесін
Қазақтар бір-бірінің.
Жалған сөйлеуді қойыңдар
Одан да тілеп қойыңдар
Тәңірім ұзақ қылсын деп
Төрештеріңнің ғұмырын!” – дейді Төреш.
