Қызылорда – Анталия бағытында жаңа әуе рейсі ашылады
Осы жылдың маусым айынан бастап «B&K Aero» авиакомпаниясының Boeing 737 әуекемесімен «Қызылорда - Анталия» бағытындағы халықаралық чартерлік әуерейсі ашылуы жоспарланып отыр, деп хабарлайды kyzylorda-news.kz облыстық жолаушылар көлігі және автомобиль жолдары басқармасына сілтеме жасап.
Қызылордадан Анталияға дейін аптасына 1 рет, 4 сағат 40 минут ұшады.
Сонымен қатар Қызылорда облысының әкімдігі тарапынан 2019 жылдың қаңтар айында Қазақстан Республикасының Индустрия және инфрақұрылымдық даму министрлігіне тарифтерді төмендету туралы хат жолданған.
«Хатта Ақмола және Шығыс Қазақстан облыстарына, атап айтқанда Көкшетау және Өскемен қалаларына республикаішілік әуе рейстерін басқа әуекомпаниялардың қатысуымен ашуға қызығушылықтар туындап отырғандығы аталып өтті», - делінген басқарманың ресми таратқан ақпаратында.
