Ауа райына байланысты Қызылорда облысында жолдар жабылды
Ауа райының қолайсыздығына байланысты Қызылорда облысында көлік қозғалысы шектелді.
«Қазақавтожол» ЖШС-нің ақпараты бойынша, Қызылорда облысында жаңбыр мен көктайғаққа байланысты облыстық маңыздағы KN-15 «Қызылорда-Жалағаш» (0-91 км, Жалағаш-Қызылорда) және KN-3 «Самара-Шымкент-Тереңөзек» (0-18 км, Тереөзектен-«Самара-Шымкент» күре жолына дейін) автожолы жабылды.
Сонымен қатар, 17 ақпаннан бері, Алматы облысында облыстық маңызға ие «Үшарал-Қамысқала» автожолы (7-60 км) және Жамбыл облысында боран соғып, көру мүмкіндігінің төмендеуіне байланысты облыстық маңызы бар «Тараз-Жаңатас» автожолы да (100-170 км) көліктің барлық түрі үшін жабық.
