Отандық әншілердің жас кездегі суреті желіде қызу талқыға түсті
Айгүл Иманбаева өзінің Instagram парақшасына жас кезіндегі суретін жариялап, жұртты таңғалдырды. Ескі фотода әртіспен бірге өнердегі құрбылары Гүлнұр Оразымбетова, Шахизада және Жеңіс Ысқақова да бар деп жазады KAZ.NUR.KZ.
Желі оқырмандары эстрада әншілерін танымай қалған. Олардың айтуынша, шоу-бизнес өкілдерінің қазіргі болмысы мүлде басқаша.
Жастық шақтағы суретін жариялаған Иманбаеваның жазбасына қатысты көпшіліктің пікірі екіге бөлінді.
Бірі жұлдыздардың табиғи сұлулығына тәнті болып жатса, енді бірі олардың қазіргі қалпы әлдеқайда жақсы екенін айтуда.
Оған қоса, оқырмандар арасында әншілердің бүгінгі күні тым қатты боянатынын жеткізгендер де болды.
"Сол кездегі мода - жіңішке қас", " Шіркін бес баттан бояудың жоқ кезі. Табиғи сұлулықтарыңызбен де халықты қарата алдыңыздар", "Қазіргі қалыптарыңыз әлдеқайда жақсырақ. Бүгінде жас көрінесіздер", "Бұл кезде бояу жоқ. Әдемі қыздар заманы", "Бүгінгі мэйкаптың арқасында бәрі бір-біріне ұқсап кетті ғой. Ал мына жерде әркім өзінше ерекше", "Танымай қалдым басында шын айтса, сондай сұлу болғансыздар. Қазір болса бәрі бір-бірінің көшірмесі", - деп жазуда көпшілік.
