«Түлектер кубогы» табысталды
Қорқыт Ата атындағы Қызылорда мемлекеттік университетінде «Түлектер кубогы» КВН фестивалі өтті, деп хабарлайды Kyzylorda-news.kz.
Фестивальге іргелі оқу орнында 2000-шы жылдан бастап білім алған түлектерден құралған 7 команда өнер көрсетті. Атап айтсақ, «WEST» жігіттері, «ҚМУ» құрамасы, «Қорқыт» жастары, «Қорқыт» құрамасы, «Қазақтың қазағы», «Қорқыт қырандары», «Час-пик» командалары.Аталған топтардың ішінде ұтымды әзілдерімен халықтың ықыласына ие болып, бас жүлде «Түлектер кубогын» Час-Пик командасы иеленді. Ал үздік ойынша номинациясына лайық деп «Қазақтың қазағы» тобының ойыншысы Руслан Құрманов танылды.
Айта кетейік жеңімпаз топ университет сахнасында он жыл бұрын өнер көрсеткен. Тартысқа толы әзіл кеші көрермендер көңілінен шықты. Әрбір командаға деген көрермен ықыласы ерекше болды.
