Қызылорда облысындағы ең төменгі күнкөріс деңгейі – 25406 теңге
2019 жылғы наурызда күнкөрістің ең төменгі деңгейінің шамасы 25406 теңгені құрады, деп хабарлайды Kyzylorda-news.kz статистика департаментіне сілтеме жасап.
Статистика департаментінің мәліметінше, негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2019 жылғы наурызды өткен аймен салыстырғанда 1,7%-ға жоғарылады. Оның құрылымында ет және ет өнімдерін сатып алуға жұмсалған шығыстардың үлесі 18,4%, сүт өнімдері мен жұмыртқаға – 11,5%, жемістер мен көкөністерге – 8,9%, нан және жарма өнімдеріне – 7,5%, май және тоң май өнімдеріне – 4,2%, қант, шай және дәмдеуіштерге – 2,5%, балыққа – 2%-ды құрады.«Ең төменгі күнкөріс деңгейі – мөлшері бойынша ең төменгі тұтыну қоржынының құнына тең, бір адамға қажетті ең төменгі ақшалай табыс. Ең төменгі тұтыну қоржыны адам тіршілігін қамтамасыз етуге қажетті тамақ өнімдерінің, тауарлар мен көрсетілетін қызметтердің заттай және құндық көріністегі ең төменгі жиынтығы болып табылады. Ол азық-түлік қоржынынан және азық-түлік емес тауарлар мен ақылы қызметтерге жұмсалатын шығыстардың бекітілген үлесінен тұрады. Күнкөрістің ең төменгі деңгейін есептеуге арналған аз тұтынылатын азық-түлік емес тауарлар мен көрсетілетін қызметтерге жұмсалатын шығыстардың үлесі ең төменгі тұтыну қоржыны құнының 45 пайыздық мөлшерінде белгіленген», – делінген департамент таратқан ақпаратта.
