ҚЫЗЫЛОРДАДА ІРІ ЖОЛ-КӨЛІК ОҚИҒАСЫ ОРЫН АЛДЫ (видео)
Кеше Қызылорда қаласындағы ҚР Тұңғыш Президенті Паркінің жанында ірі жол-көлік оқиғасы орын алды. Аталған оқиға туралы Facebook әлеуметтік желісінде ОІІ департаменті түсініктеме берді.
«1 қазанда Қызылорда қаласында «ВАЗ» және «SNACMAN» автокөліктерінің қатысуымен болған ЖКО фактісі бойынша ҚР ҚК-нің 345-бабының 4-бөлігімен тергеп-тексеру басталды, жол-көлік оқиғасы салдарынан 3 адам қайтыс болып, екеуі медициналық мекемеге жеткізілді. Бүгінгі күнге жеткізілген екі азаматтың біреуі медициналық мекемеде қайтыс болды. Тиісті сараптамалар тағайындалған. Оқиғаның басқа да мән-жайы анықталуда», - делінген хабарламада.
Бүгін өңірлік коммуникациялар қызметінде ОІІД Жергілікті полиция қызметінің бастығы Бауыржан Ибраевтың қатысуымен брифинг өтеді.
