НАЗЕРКЕ ШАНБИЛОВА - ГРАН-ПРИ ИЕГЕРІ
Қазан айының соңғы күндері «КТК» телеарнасында жас өнерпаздар арасында республикалық «Бала дауысы» байқауы өтті.
Ә.Назарбаева жетекшілік ететін «Жандану әлемі» қоры ұйымдастырған байқауға ҚР Мәдениет және спорт министрлігі мен «Тұңғыш Президент» қоры қолдау көрсетіп отыр.
«Алматы Арена» кешенінде Карина Абдулина, Майра Ілиясова, Парвиз Назаров, Жеңіс Сейдоллаұлы сынды өнер иелері қазылық еткен байқауда Байқоңыр қаласындағы №275 орта мектептің 7 сынып оқушысы Назерке Шанбилова «Бала дауысы» республикалық өнер фестивалінің Гран-При иегері атанды.
Бұған дейін де көптеген өнер додадаларында топ жарған Назеркеге байқаудың бас жүлдесін фестивальге арнайы келген «Жандану әлемі» қорының жетекшісі Әлия Назарбаева табыс етті.
Сыр өнерінің өресін танытқан Назеркеге сый-сыяпат жасалып, Париж қаласындағы «Диснейлентке» жолдама берілді.
