Қызылордалық теннисшілер Ел кубогының күміс жүлдесін иеленді
Kyzylorda-news.kz. Нұр-Сұлтан қаласында теннистен 14 жасқа дейінгі жасөспірімдер арасында ҚР кубогы өтті. Бұл туралы дене шынықтыру және спорт басқармасының баспасөз қызметі хабарлады.
Дүбірлі бəсекеде Қызылорда облысының спортшылары 17 команданың арасынан күміс жүлдені иеленді.
Команда құрамында ұлдар арасында Ерасыл Ерділда, Жақас Қозбақ, Бекжігіт Минаж, Ернар Амангелді, қыздар арасында Эдельлис Нармағанбет, Ақерке Алданазарова, Жібек Əмірəлиева жəне Жансая Қыдырова өнер көрсетті.
Команданы жарысқа Қанат Нұрмаханов пен Нұрлан Жұрымбетов дайындады.
