Назерке Нұрғали екі дүркін Азия чемпионы атанды
Шри-Ланканың Вакадува қаласында шахматтан өткен Азия чемпионатында қызылордалық Назерке Нұрғали жеңімпаз атанды, деп хабарлайды Kyzylorda-news.kz.
Ол 16 жасқа дейінгі қыздар арасында рапид түрінен өнер көрсетіп, екінші мəрте Азия чемпионы болды.Н.Нұрғали 2016 жылы Моңғолиядағы Азия чемпионатында 12 жасқа дейінгі қыздар арасында алтын медаль иеленген болатын. 2017 жылы Румынияда 13 жасқа дейінгі Əлем чемпионатында күміс, 2018 жылы Албанияда 15 жасқа дейінгі қыздар арасында Əлем чемпионы атанған.
Биылғы жылы Назерке классика, рапидтен (16 жас) жəне блицтен (20 жас) Қазақстан чемпионы атанды.
Назеркені Василий Шмелков жаттықтырады.
