Футбол төрешісі қақпаға өзі гол соғып, оны есепке алды (видео)
Голландияда әуесқой футболдан өткен жоғарғы лиганың финалдық матчында бас төреші "Харкемасе Бойз" командасының қақпасына гол салып жіберіп, оны есепке алған, деп хабарлайды Stan.kz.
"Судья, сен не істеп тұрсың? Матчта гол соққан судьяны да көрдік»,- деп айқайлады "Харкемасе Бойз" футболшылары.
Яғни, "Хоек" командасының шабуылының нәтижесінде, доп бірнеше рет ұшып түсіп, судьяның аяғына оратылып қалады. Сонда жалтарып үлгермеген төреші, допты теуіп жіберген. Сөйтіп, оның аяғына оратылған доп қақпадан бір-ақ шықты. Бұны көрген футболшылар бас төрешінің бұл әрекетіне наразылық білдірді. Алайда, төреші сонда да голды есепке алды.
