СЫР ГИМНАСТШЫЛАРЫ БИІКТЕН КӨРІНДІ
Атырауда көркем гимнастикадан өткен ашық чемпионатта жерлестеріміз Аяла Нұрсұлтан, Кәусар Сейілбек, Медина Нұрғалиева және Айжан Әжібековалар бірінші орын биігінен көрінді, деп хабарлайды облыстық денешынықтыру және спорт басқармасының баспасөз қызметі.
Сондай-ақ, Шымкент қаласында өткен Оңтүстік Қазақстан облысы әкімінің кубогы жолындағы жарыста Зере Әбдіқабыл жеңімпаз атанса, 2008-2009 жылдары туғандар арасында топтық жарыста Ақерке Шілдебаева, Зерде Салават, Медина Ибрагим, Қарақат Қасым және Әсел Машраптар күміс жүлде иеленіп, команданың алға шығуына өз үлестерін қосты.
Қыздарды жарысқа көркем гимнастикадан облыстың аға жаттықтырушысы Гүлмира Әбсұлтан дайындады.
Айта кетейік, 15-17 желтоқсан күндері Қызылорда қаласы «Мұз айдыны» спорт кешенінің гимнастика залында ҚР Тәуелсіздігі күніне орай көркем гимнастикадан облыстық ашық чемпионат өткізіледі.
