«KYZYLORDA FRANCH-2017» АЙМАҚТЫҚ ФОРУМЫ ӨТЕДІ
Қазанның соңғы күні облыс кәсіпкерлеріне арналған тағы бір шара өтеді.
«KYZYLORDA FRANCH-2017» өңірлік форумын Қызылорда облысының кәсіпкерлік және туризм басқармасы мен «KAZFRANCH» Қазақстан Франчайзинг қауымдастығы бірлесе ұйымдастырып отыр.
31 қазан күні «Бастау» бизнес орталығында өтетін форум аясында франчайзинг саласындағы өзекті мәселелер айтылып, бизнесті құру, бизнес серіктестіктермен, белсенді клиенттермен қарым-қатынас, келіссөз жүргізу тәсілдері талқыланады.
Сондай-ақ, шарада мемлекеттік қолдау бағдарламаларымен кеңінен танысуға мүмкіндік туады.
