АЗАМАТТЫҚ ҚОРҒАУ ОРГАНДАР КҮНІНЕ ОРАЙ КӨРМЕ ӨТЕДІ
Осы аптада азаматтық қорғау саласы өкілдері өз мерекелерін атап өтеді.
Осыған орай 18 қазан күні «Мерей» мөлтек ауданында орналасқан Қызылорда облысы ТЖД Өрт сөндіру және авариялық-құтқару жұмыстары қызметі №1 мамандандырылған өрт сөндіру бөлімінде Қызылорда облысы Төтенше жағдайлар департаменті бөлімшелерінің заманауи жабдықтарының көрмесі ұйымдастырылады..
Шара аясында қатысушылар жыл сайынғы дәстүр бойынша қызметтік міндеттерін орындау кезінде қаза тапқан өрт сөндірушілерге арналған ескерткішке гүл шоқтарын қояды. Сондай-ақ, шара барысында азаматтық қорғау қатарына жаңадан қосылған қызметкерлердің ант қабылдау рәсімі өтеді.
