Сыр Медиа

    Қызылорда облысы Төтенше жағдайлар департаментінде кеңес өтіп, онда осы жылғы 9 ай қорытындыланды. Кеңеске департамент бастығы, азаматық қорғау полковнигі Омар Бержанов төрағалық етті.     

    Департамент басшысы осы уақыт аралығында атқарылған жұмыстар барысын баян етті.

    «Есепті мерзімде Қызылорда облысының аумағында 574  табиғи және техногендік сипаттағы төтенше жағдай мен оқиғалар тіркеліп, 2016 жылдың осы мерзімімен салыстырғанда 13 %-ға өскен (2016 ж.–508).

    Төтенше жағдайлар кезінде зардап шеккен адамдардың саны 19,3 % есеге (2017ж.- 188, 2016ж.- 233 адам), қаза болған адам саны 41,5 % азайған (2017ж.- 31, 2016ж.-53 адам).  

    Сонымен қатар, кеңесте өрт қауіпсіздігі саласындағы бақылау және профилактикалық қызмет басқармасының бастығы, азаматтық қорғау подполковнигі Р.Қайрақбаев, төтенше жағдайлардың алдын алу бөлімінің бастығы, азаматтық қорғау капитаны Ғ.Әшімов, төтенше жағдайларды жою бөлімінің бастығы Б.Тұрманов,  облыстық ТЖД «Өрт сөндіру және враиялық-құтқару жұмыстары қызметі» ММ бастығы, азаматтық қорғау полковнигі А.Омаров, департаменттің қалалық басқармасы мен аудандық бөлім басшылары атқарылып жатқан жұмыстар жөнінде есеп берді.