Сыр Медиа

    Құтқарушылар күнін атап өту мақсатында Жаңақорған ауданының азаматтық қорғау Гарнизонының қызметкерлерінің ұйымдастыруымен Жаңақорған ауданының №10 өрт сөндіру бөлімінде жиналыс өткізілді.

    Жиналысқа Жаңақорған ауданының әкімінің орынбасары С.Ыдырысов, Жаңақорған ауданы әкімі аппаратының жұмылдыру дайындығы, аумақтық қорғаныс және төтенше жағдайлардың алдын алу бөлімінің басшысы Ш.Әшімов және Жаңақорған ауданының азаматтық қорғау Гарнизонының қызметкерлері қатыстырылды.

    Жиналыс барысында аудан әкімінің орынбасары С.Ыдырысов Жаңақорған ауданының азаматтық қорғау Гарнизонының қызметкерлерінің аудан аумағында орын алған төтенше жағдайлар мен төтенше жағдайлардың алдын алуға қосқан үлесін баяндады, «Құтқарушылар күні» мерекесімен барлық қызметкерлерді құтықтап, жұмыста табыс, дендеріне саулық тіледі. Сонымен қатар аудан әкімінің орынбасары С.Ыдырысов төтенше жағдайлардың алдын алуға қосқан үлесін ескере отырып Жаңақорған ауданының Төтенше жағдайлар бөлімінің инженері азаматтық қорғау лейтенанты Н.Нысанбаевты, Жаңақорған ауданының №10 өрт сөндіру бөлімінің қаруыл бастығы азаматтық қорғау аға лейтенанты Е.Мүтәшті, аға өрт сөндіруші азаматтық қорғау старшинасы Қ.Ыбырайымовты, өрт сөндіруші азаматтық қорғау кіші сержанты Х.Төлегеновті, жүргізуші азаматтық қорғау сержанты Ж.Жұпарбаевты аудан әкімінің алғыс хатымен, бағалы сыйлықтармен марапаттады.

    «Құтқарушылар күнін» мерекелеу қарсаңында «Жаңақорған тынысы» газетінің қызметкерлерін қатыстыстыра отырып, өрт сөндірушілердің арнайы техникалары мен арнайы құтқару құралдарының көрсетілімі ұйымдастырылды.