Елімізде темекі қымбаттады
Kyzylorda-news.kz. Қазақстанда темекі бағасы қыбаттады. Бір жылдың ішінде оның бағасы 11%-ға өскен.Биыл қыркүйек айында темекінің бағасы орташа есеппен 436 теңге болған. Ал былтырғы жылы 11,4%-ға арзан, яғни 391 теңгені құраған.
Темекі бағасының ең жоғарғы қала Қостанай. Мұнда баға 461 теңге болса, екінші орында 456 теңгемен Нұр-Сұлтан қаласы тұр. Шылымның бір қорабы Ақтау қаласында 456 теңгеден сатылып, баға көрсеткіші бойынша үшінші орынға жайғасқан. Ал Қызылорда облысында темекі 416 теңгеден сатылуда.
Мамандардың пікірінше, темекі бағасы шарықтағанмен оны тұтынатындар саны азайған емес. Оған дәлел, темекі өндірісі өткен жылмен салыстырғанда 1,2%-ға өскен.
