ӨРКЕНИЕТКЕ ӨРІС АШАДЫ
Сырдария аудандық дене шынықтыру және спорт бөлімінде «Латын әлібиі – өркениет жолы» тақырыбында дөңгелек үстел отырысы болып өтті.
Бөлім басшысы М.Ерташов «Мемлекет басшысының «Болашаққа бағдар: Рухани жаңғыру» бағдарламалық мақаласында айтылған латын әліпбиіне көшудің маңызы жайлы айтып өтті. Латын әліпбиіне көшу – рухани жаңғырудың талабы. Ол әлеммен ықпалдасуға, ұлттық санамыздың қайта жаңғыруына жол ашады.
Дөңгелек үстелге қатысушылар әліпби таңдаудың қоғам талқылауынан өтіп жатқанына ерекше тоқталды. Бұл ел ертеңі үшін маңызды бастамаға әркімнің пікір білдіруіне жасалып отырған үлкен мүмкіндік.
Шара соңында бөлім қызметкерлері рухани жаңғырудың басты талабына айналып отырған латын әліпбиіне көшу бастамасын бірауыздан қолдайтындықтарын білдірді.
