Сыр Медиа

Республикалық «Әділет кеңес береді акциясы» аясында Қызылорда облысының Әділет департаменті мен «Нұр Отан» партиясы Қызылорда облыстық филиалы бірлесіп, Жалағаш ауданында аудан тұрғындарына заңгерлік кеңес берілді.

  Шараға Әділет департаменті басшысының орынбасары Ұ.Оразгелді бастаған бір топ қызметкерлер, «Нұр Отан» партиясы облыстық филиалының қызметкерлері, адвокаттар, жекеше нотариустар қатысты. Мақсат тұрғындардың азаматтық сана-сезімі мен құқықтық сауаттылығын арттыру және азаматтарға кәсіби құқықтық көмек көрсету, сонымен қатар тұрғындарды мазалаған мәселелер бойынша сұрақтарға жауап беру болып табылады.

  Тұрғындардың басым көпшілігі жеке тұлғалардан ақша өндіру, баспана сынды шешімін таппай жүрген сұрақтарын қойып, мамандар тарапынан құқықтық кеңестер алды. Ауыл ақсақалдары кеңесшілерге өздерінің ризашылықтарын білдіріп, мазалаған сұрақтарына тұщымды жауаптарын алғандарын жеткізді.