Сыр Медиа

С.Майқанова атындағы мәдениет үйінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті, Облыстық ішкі саясат басқармасы мен "Самұрық" инновациялық идеяларды дамыту орталығы" қоғамдық қорының ұйымдастыруымен "Белсенді азаматтық қоғам - сыбайлас жемқорлықсыз Қазақстан!" тақырыбында акция өткізілді. Акцияның басты мақсаты - сыбайлас жемқорлық көріністеріне «мүлдем төзбеушілік» қағидаты мен сыбайлас жемқорлыққа қарсы мәдениетті қалыптастыру болып табылады.

  Шарада ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бас маманы А.Сәлімжан сыбайлас жемқорлықтың алдын алу мақcатында халық арасында пара алу мен пара беру, делдал болудың зардабы мен оның жауапкершілігі туралы түсіндіріп, тақырыптық бейнероликтер көрсетті. Сонымен қатар, қоғамдық бақылау картасы жобасы мен сыбайлас жемқорлыққа қарсы іс-қимыл бойынша ұлттық баяндама туралы баяндалып өтті. Акцияда сыбайлас жемқорлыққа қарсы театрландырылған қойылымдар қойылып, флешмобтар ұйымдастырылды.

  Іс-шара қорытындысында сыбайлас жемқорлықты алдын алуға өз үлестерін қосқан мемлекеттік органдар арнайы дипломдар мен бағалы сыйлықтармен марапатталып, акция концерттік бағдарламаға ұласты.

Акция барысында 1 300-ден астам сыбайлас жемқорлыққа қарсы флаерлер таратылды.