ҚАТЕРЛІ ІСІКТІҢ АЛДЫН АЛАТЫН АРЗАН ДӘРІ АНЫҚТАЛДЫ
Қызуды түсіретін аспирин дәрісін ұзақ уақыт қабылдау қатерлі ісікке шалдығу қатерін 47 пайызға дейін төмендетеді. Халықаралық ғалымдар ұжымы осындай қорытындыға келді, деп хабарлайды https://baq.kz/ ақпарат агенттігі lenta.ru басылымына сілтеме жасап.
Зерттеуге 600 мыңнан астам адам қатысқан. Олар ғалымдардың айтуымен аспиринді ұзақ уақыт қабылдаған (алты айдан, орташа – 7,7 жыл).
Нәтижесінде бауыр ісігімен ауыру қатері 47 пайызға, асқазан рагымен 38 пайызға, ұйқы безі – 34 пайызға, тоқ ішек ісігі – 24 пайызға төмендегені анықталды.
Сондай-ақ, ғалымдардың айтуынша, өкпе мен қуықалды безі қатерлі ісігінің, лейкемияның алдын алуда да аспириннің көмегі бар.
Бірақ америкалық ғалымдар анықтағандай, аспирин тоқ ішек қатерлі ісігінің асқынуын баяулатқанымен, ісік клеткаларының эволюциялық әлеуетін ұлғайтады.
