ЖАСАҚ ҚҰТҚАРУШЫЛАРЫ СТУДЕНТТЕР ҮШІН АШЫҚ ЕСІК КҮНІН ӨТКІЗДІ
«Оңтүстік өңірлік аэроұтқыр жедел құтқару жасағы» сарбаздары «Ұлағат» колледжі студенттері үшін ашық есік күнін өткізді. Шарада арнайы авариялық құтқару техникаларының және құтқару құралдарының көрмесі ұйымдастырылып, студенттер арнайы жабдықтар мүмкіндігімен танысты.
Көрмеде вариялық құтқару жұмыстарына шығатын жоғары өтімді арнайы автокөліктер көрсетілді. Студенттер құтқару станциясының ғимаратына экскурсия жасап, әдістемелік-оқу, кезекшілік-диспетчерлік, медициналық пункті, сүңгуірлік- құтқару, радиациялық және химия-биологиялық бөлімшелерінің жұмысымен танысты.
Жасақ құтқарушылары қонақтарға өздерінің міндеттері мен құрылым тарихы жайлы айтып, арнайы құралдарды қалай қолданатынын түсіндірді.
Оңтүстік өңірлік аэроұтқыр жедел құтқару жасағы
