Қызылордалық полицейлер ардагерлермен кездесті
Kyzylorda-news.kz. Арал ауданында ювеналды полиция инспекторлары мен аудандық білім бөлімінің қызметкерлері «Ардагерлер ардағым» атты кездесу кешін өткізді.
Бұл шара жасөспірімдер арасындағы құқық бұзушылықтың алдын алу мақсатында ұйымдастырылып отыр. Кездесуге ішкі істер органдарының ардагерлері полиция полковнигі Б.Сүлейменов, полиция подполковнигі Б.Бердалиев, полиция подполковнигі Н.Жұмашов қатысты.
Кеш барысында ардагерлердің сара жолы насихатталып, жасөспірімдер арасындағы құқық бұзушылықтың алдын алу жайында сөз қозғалды. Өз кезегінде ардагерлер жас ұрпаққа өз ақыл-кеңестерін беріп, жасөспірімдер тарапынан қойылған сұрақтарға тұшымды жауап берді.
