Әлемде босқынға айналған адамдардың саны 80 млн-ға жуықтаған
Kyzylorda-news.kz. Әлемде өткен жылы түрлі дағдарыстарға байланысты босқынға айналған адамдардың саны 70 миллион 800-ге жеткен, деп хабарлайды «Хабар 24».Мұндай мәліметті БҰҰ-ның босқындар жөніндегі Жоғарғы комиссарының басқармасы жариялады. Бұл – екінші дүниежүзілік соғыстан кейінгі рекордтық көрсеткіш. БҰҰ өкілінің айтуынша соғыс, ашаршылық, табиғат апаты сынды зобалаңнан қашқан азаматтардың саны жыл сайын артуда. Және де олардың саны ресми дерекке қарағанда әлдеқайда көп болуы мүмкін екенін айтады. Ал ұйым миграциялық саясатта Германияның ұстанымын өзге елдерге үлгі етуде. Дерекке сүйенсек, Алмания былтыр 1 миллионнан астам келімсекті қабылдаған. Және де олардың жаңа өмірге қалыптасуына қомақты қаржы бөліп келеді екен.
