Қызылордалық көпбалалы аналар несие жайлы жаңалыққа дән риза
Kyzylorda-news.kz. Сыр өңірінде 35 мыңнан астам көпбалалы ана бар, деп хабарлайды «Хабар 24».
Солардың бірі – Қызылорда қаласында тұратын Салтанат Әйтенова да бүгінгі Президент шешімін зор қуанышпен қабыл алғанын айтады. Екінші деңгейлі банктер мен микроқаржы ұйымдарындағы қарыздарды жеңілдету тұрмысы қиын біраз отбасына демеу болады, – дейді ол.
«Аналар оқуға түсіремін дейді, той жасаймын дейді, өмір сүру ауқымы ауыр болғаннан кейін несиеге жүгінеді. Өйткені 6,7,8,9 баласы бар аналар бар. Балаларымызды жеткізу үшін, ешкімнен кем қылмау үшін несие аламыз. Несиелерді жауып беретін болса, өте қуаныштымыз, рақмет айтамыз», - дейді қала тұрғыны Салтанат Әйтенова.
