МЕН ТАҢДАҒАН МАМАНДЫҚ
Елбасының "Болашаққа бағдар: Руxани жаңғыру" бағдарламалық мақаласындағы басым бағыттарын жүзеге асыру мақсатында аудандық білім бөлімінің ұйымдастыруымен жас кәсіпкер, "Сыр үміті" сыйлығының иегері, "Қазақстанның үздік тауарлары" өңірлік көрме-конкурсының "Өндірістік мақсаттағы үздік тауар" номинациясының иегері Оразай Қалымбетовпен кездесу кеші болып өтті. Кеш барысында оқушылар жас кәсіпкер қолға алған аяқ киім өндірісі саласындағы жұмыстармен танысты. Көкейде жүрген сұрақтарын қойып, шынайы, тұшымды жауап алды. Жас кәсіпкер Оразай Қалымбетов ұлт ұстазы Аxмет Байтұрсынұлы атамыздың "Білімді болу үшін - оқу, бай болу үшін - кәсіп, күшті болу үшін – бірлік керек" деген сөзін өмірлік қстанымына айналдырғанын тілге тиек етті.
Сонымен қатар, ол оқушылармен алда тағы бір кездесу ұйымдастыру жөнінде бастама көтерді. Сол шарада оқушылар әзірлеген бизнес жоспарлар талқыланады. Кәсіпкердің үздік деп танылған жобаға өз атынан жүлде тағайындағаны оқушыларды ынталандыра түсті.
