ТЕАТР ДЕГЕН БІР ТЫЛСЫМ
Ә.Тәжібаев атындағы облыстық ғылыми әмбебап кітапханада облыстық ішкі саясат басқармасының тапсырысы бойынша «Руханиятты қолдау» қоғамдық қорының ұйымдастыруымен «Тұлғатану» тақырыбында тағы бір тағылымға толы, танымдық кездесу өтті.
Бұл жолы жастармен кездесуге Н.Бекежанов атындағы музыкалық драма театрының актеры, «Мәдениет саласының үздігі» төсбелгісінің иегері, Жастар Одағы сыйлығының лауреаты Бақытбек Темірбеков келді.
Шараға театрдың жас актерлерін ҚР еңбек сіңірген артисі Б.Алпысбаев бастап келді. Кеш қонағы – Бақытбек Темірбеков жастарға театр сахнасының тылсым сыры болатынын айтты. Туған жерге тағзым кез-келген жанның жүрегінде болу керектігі, өз мамандығына деген сүйіспеншілік, адалдық мәселесі де сөз болды.
Студент-жастар, №10 «Білім-инновация» лицейінің оқушылары қатысқан кездесу өнерге құштар жандардың еркін сұхбатына ұласты.
